بہار: خراب بورویل کی مرمت کے لیے ٹیم روانہ

ریاست بہار کے کیمور میں گرمی کے پیش نظر ڈی ایم ڈاکٹر نول کشور چودھری نے محکمہ پی ایچ ای ڈی کے ذریعہ خراب بورویل کی مرمت کرنے والی رتھ ٹیم کو ہری جھنڈی دکھا کر روانہ کیا۔

ضلع کیمور کے ڈی ایم ڈاکٹر نول کشور چودھری نے ضلع میں خراب بورویل کی مرمت کے لیے رتھ ٹیم کو روانہ کیا ہے۔
یہ رتھ ضلع کے تمام بلاکس میں جائے گا اور خراب بورویل کی مرمت کرے گا۔ تا کہ گرمی کے دنوں میں لوگوں کو پانی کی فکر کرنے کی ضرورت نہ ہو۔

ڈی ایم نے بتایا کہ گرمی کے پیش نظر چاپا کل کی مرمت کے لۓ رتھ روانہ کر دیا گیا ہے۔ ضلع کے تمام 11 بلاکس کے لئے کل 24 رتھوں کو روانہ کیا گیا ہے۔ اس ٹیم کے ممبر خراب پڑی چاپاکل کی مرمت کریں گے۔