بہار کےضلع گیا میں واقع ہادی ہاشمی اسکول میں بزمِ ندیم کے زیر اہتمام پروفیسر حسین الحق کی ناول ” اماوس میں خواب “ کو ساہتیہ اکادمی ایوارڈ ملنے کی خوشی میں ایک تہنیتی جلسہ کا انعقاد کیا گیا ۔
اس کی صدارت پروفیسر محفوظ الحسن نے کی جبکہ نظامت کے فرائض نوشاد ناداں نے انجام دیے۔
بزم ندیم کے بانیِ و صدر ندیم جعفری نے گلدستہ، شال اور مومنٹو پیش کر کے مبارکباد پیش کی۔
نشست میں شامل سبھی لوگوں نے پھولوں کا ہار پہنا کر خوشی کا اظھار کیا اور انہیں مبارکباد پیش کی۔ ان میں ڈاکٹر عین تابش، مرغوب اثر فاطمی، احمد صغیر، احسان تابش، سید شبیع عارفین شمسی سکریٹری مرزا غالب کالج، فردوس گیاوی، تنویر عثمانی، منوج کمار، منجو کماری، ڈاکٹر تبسم فرحانہ، ڈاکٹر آفتاب عالم اطہر، آصف علی، ڈاکٹر سلطان احمد ،آصف ظفر، شاھد حسن جیک، ڈاکٹر آفتاب عالم، مہتاب عالم مہتاب، ارشاد اشرف اور حافظ شمیم وغیرہ موجودتھے۔
اس موقع پر سبھی نے اپنے تاثرات کا اظہار کیا کہ گیا کی عوام کو فخر ہے کہ پروفیسر حسین الحق ان کے شہر سے ہیں۔ ان کے ادبی خدمات کا تذکرہ کیا جائے تو وقت کم پڑے گا۔ حسین الحق نے ملک وبیرون ملک میں قابلیت کا لوہا منوایا ہے۔
