بہار حکومت کے اعلیٰ حکام کی ہدایات پر گیا کے سینٹرل جیل اور شیر گھاٹی کے سب ڈویژنل جیل کی سختی سے تلاشی لی گئی ہے۔
ضلع مجسٹریٹ (ڈی ایم) ابھیشیک کمار سنگھ اور ایس ایس پی راجیو مشرا اور سب ڈویژنل افسران نے پہنچ کر خود چھاپہ ماری کی۔ حالانکہ جیل مینو کے مخالف سامان برآمد نہیں ہوئے ہیں۔
ڈی ایم ابھیشیک کمار سنگھ نے بتایا کہ جیلوں میں چھاپے ماری ضروری ہے۔ آج ان کی قیادت میں چھاپے ماری کی گئی۔ کچھ سامان برآمد نہیں ہوئے ہیں سوائے تمباکو وغیرہ کو چھوڑ کر۔
انہوں نے کہا کہ جیل کے انتظامات اور سیکیورٹی میں تعینات افسران اور ملازمین سے بھی فڈبیک لی گئی ہے۔ جیل میں قید ملزمین اور مجرمین کی تلاشی وقتاً فوقتاً لینا بے حد ضروری ہے۔ آئندہ بھی اس طرح کے چھاپے ماری جاری رہے گی۔
یہ بھی پڑھیں: اخترالایمان کے اعتراض پر بی جے پی کا رد عمل
اس سلسلے میں ایس ایس پی راجیو مشرا نے بتایا کہ گیا سینٹرل جیل کئی معنوں میں اہم ہے۔ ریاست جھارکھنڈ سے متصل ضلع ہونے کی وجہ سے مزید مستعدی برتی جاتی ہے تاکہ یہاں بند نکسلی و بدمعاش کسی طرح کی نقل و حرکت کو اپنے باہری ساتھیوں سے انجام نہیں دلا سکیں۔
واضح رہے کہ ضلع پولیس کے مطابق گیا سینٹرل جیل اور شیر گھاٹی سب ڈویژنل جیل میں درجنوں خونخوار نکسلی بند ہیں۔ اس کے علاوہ کئی شاطر بدمعاش بھی یہاں قید ہیں۔ اسی کو لیکر ضلع انتظامیہ اور ضلع پولیس کی طرف سے جیل کی سختی کے ساتھ جانچ کی جاتی ہے، حالانکہ آج چھاپے ماری ریاستی حکومت کے اعلیٰ افسران کی ہدایت پر کی گئی ہے۔
