محکمہ داخلہ کی ہدایت پر بہار کے مختلف اضلاع کی جیلوں میں چھاپہ ماری کی گئی۔ اسی ضمن میں آج ارریہ جیل میں بھی ایس ڈی او روزی کماری و ایس ڈی پی او کمار دیوندر سنگھ کی قیادت میں مختلف تھانہ کے ایس ایچ او کے ہمراہ چھاپہ ماری کی گئی۔
چھاپہ ماری میں پولیس اہلکار کے علاوہ مجسٹریٹ بھی لگائے گئے، قریب ایک گھنٹہ تک چلے اس چھاپہ ماری میں جیل کے مختلف وارڈوں میں تلاشی لی گئی۔
حالانکہ جیل کے تمام وارڈوں کی باریکی سے تلاشی لینے کے باوجود کوئی غیر قانونی سامان برآمد نہیں ہوا، افسران کے علاوہ ملازمین اور پولیس جوانوں نے جیل کا چپہ چپہ چھان مارا مگر کچھ ہاتھ نہیں لگا، سب کچھ ٹھیک پائے جانے کے بعد افسران نے راحت کی سانس لی۔
ایس ڈی پی او کمار دیوندر سنگھ نے بتایا کہ یہ چھاپہ ماری پہلے ہونی تھی مگر وزیر اعلی کے پروگرام میں مصروفیت کی وجہ سے تاخیر ہوئی۔ جیل کے تمام وارڈوں کا بہت باریکی سے تلاشی لی گئی، قیدیوں کے رہنے کی جگہ سے لے کر دیگر جگہوں کی بھی جانچ کی گئی مگر کچھ ہاتھ نہیں لگا، ہاں کچھ قیدیوں کے پاس سے تمباکو جیسے کھینی، گل پائے گئے مگر کوئی غیر قانونی سامان نہیں برآمد نہیں ہوا۔
