کانگریس کے سابق صدر راہل گاندھی نے بدھ کے روز بہار اسمبلی کی 71 نشستوں کے لیے ہونے والی ووٹنگ میں رائے دہندگان سے مہاگٹھ بندھن کی حمایت میں ووٹ کرنے کی اپیل کرتے ہوئے کہا کہ 'آج بہار بدلے گا'۔
کانگریس، بہار میں ریاست کے سابق نائب وزیراعلیٰ اور راشٹریہ جنتا دل (آر جے ڈی) کے تیجسوی یادو کی سربراہی میں اسمبلی انتخابات لڑرہی ہے۔
واضح رہے کہ ریاست میں ووٹنگ تین مراحل میں ڈالے جائیں گے۔
کیرالہ میں وائناڈ سے رکن پارلیمنٹ مسٹر راہل گاندھی نے ٹوئٹ کیا کہ 'اس بار انصاف، روزگار، کسان مزدوروں کے لیے آپ کا ووٹ صرف مہا گٹھ بندھن کے لیے ہے'۔
انہوں نے کہا کہ 'بہار میں پہلے مرحلہ کی ووٹنگ کے لیے آپ سبھی کو نیک خواہشات، آج بدلے گا بہار'۔
خیال رہے کہ پٹنہ میں پہلے مرحلے میں 16 اضلاع کے 71 حلقوں میں 2.14 کروڑ افراد اپنے حق رائے دہی استعمال کریں گے، اور ان کے لیے 31371 پولنگ بوتھز بنائے گئے ہیں۔
