اس میں حالاتِ حاضرہ پر غوروخوض کرنے کے ساتھ ساتھ 'قومی اتحاد مورچہ' کے دائرہ کو بڑھانے پرزور دیا گیا ہے۔
قومی اتحاد مورچہ کے ذمہ داران نے کہا کہ 'موجودہ حالات میں ہماری ذمہ داری ہے کہ ہم متحد ہوں اور ملک کی خوشحالی وترقی اور آپسی بھائی چارہ اور پرامن فضا کو برقرار رکھنے میں اپنا ہرممکن تعاون پیش کریں، ہم میں سے ہر ایک اچھا شہری ہونے کا فرض نبھائے۔'
کارکنان نے مزید کہا کہ کسی طرح کی افواہوں پر ہرگز دھیان نہیں دیں، موجودہ حالات کاسامنہ دانشمندی کے ساتھ کریں۔
ذمہ داران نے بتایا کہ مورچہ کے اہم مقاصد میں ایک یہ بھی ہے کہ ملک کی خوشگوار فضاء برقرار رکھنے میں اپنی سطح سے ہرممکن کوشش کی جائےگی۔
ملک کی سالمیت اور گنگا جمنی تہذیب کو بچانے میں سب کی حصہ داری ہونی چاہئے ۔نشست کی صدارت حسن خان نے اداکی۔
اس موقع پر گیارہ رکنی کمیٹی کی تشکیل بھی کی گئی۔نشست میں قومی اتحاد مورچہ کے ریاستی جنرل سکریٹری محمد مختار خان نے کہاکہ مورچہ کے قومی صدر مولاناغلام رسول بلیاوی کی ایک کوشش ہے کہ ملی مسائل بلاتفریق مسلک ومشرب حل کیاجائے۔
انہوں نے مزید کہا کہ معاشرے کے بچوں کے درمیان تعلیمی رجحان پیدا کرنے اور جو معاشی کمزوری کی وجہ سے درمیان تعلیم چھوڑدیتے ہیں۔ ان کی آگے کی تعلیم پر بھی کام ہو، مورچہ اپنے مقاصد کو لیکر آگے بڑھ رہا ہے اور کامیابی بھی مل رہی ہے۔
اس موقع پر ضلع سکریٹری ڈاکٹر ہدایت اللہ ،مولاناوسیم کے علاوہ درجنوں افراد موجود تھے۔
