ریاست بہار کے کیمور ضلع کے ہیڈ کوارٹر بھبھوا میں این آرسی اور کیب کے خلاف زبردست مظاہرہ ہوا۔
ہزاروں کی تعداد میں سڑک پر اترے نوجوان اور بزرگوں نے پر امن طور پر مظاہرہ کرتے ہوۓ اس بل کو ملک مخالف قرار دیتے ہوۓ اس کو واپس لینے کی مانگ کی اور ضلع مجسٹریٹ کے ذریعہ حکومت ہند کو میمورنڈم بھی پیش کیا۔
مظاہرہ کی رہنماٸ مجلس اتحادالمسلمین کے فینس کلب، ڈاکٹر امبیڈکر فرنٹ آف انڈیا اور قومی ایکتا منچ نے کی۔
اس موقع مجلس اتحادالمسلمین کے ریاستی صدر الیاس انصاری نے کہا کہ کہیں سے بھی یہ ایکٹ ملک کے مفاد میں نہیں ہے، حکومت این آر سی کے بہانے مسلمانوں اور کمزور طبقوں کو ان کے زمین جاٸداد سے بے دخل کر باہری ملک کے لوگوں کو لاکر آباد کرنا ہے۔ ملک آج ترقی کے پچاس سال پیچھے چلا گیا۔
انہوں نے کہا کہ ہماری حکومت ہندو مسلم کے بیچ صرف نفرت پھیلا رہی ہے۔
ڈاکٹر امبیڈکر فرنٹ کے قومی ترجمان نے کہا کی این آرسی اور کیب کے بہانے نریندر مودی اور امت شاہ بھارت کے آٸین کو ہی ختم کر رہے ہیں۔
انہوں نے کہا کہ حکومت بابا صاحب ڈاکٹر بھیم راٶ امبیڈکر کے بناۓ ہوئے قانون کو ختم کر ناگپور کے آرایس ایس قانون کو ایک سازش کے تحت نافذ کرنا چاہتی ہے۔
