ریاست بہار کے کیمور میں بھارت بند کے دن بہوجن کرانتی مورچہ کی قیادت میں بڑی تعداد میں لوگوں نے سی اے اے، این آر سی اور این پی آر کے خلاف احتجاج کیا۔
احتجاج کے دوران عوام نے وزیراعظم نریندر مودی اور امت شاہ کے خلاف نعرے بازی کی، جس میں عوام نے 'ہوش میں آ جاٶ، ہٹلر شاہی نہیں چلے گی' جیسے نعرے بھی لگائے۔
ضلع ہیڈ کوارٹر بھبھوا میں بھی بہوجن کرانتی مورچہ کے رہنماوں نے سڑک پر اتر کر سی اے اے، این آر سی اور این پی آر کے خلاف زبردست مظاہرہ کیا
مظاہرین کا کہنا ہے کہ یہ قانون زبردستی نہیں تھوپا جا سکتا، مسلمانوں کو ہدف بناکر ملک کے دلتوں اور آدیواسیوں کو ملک بدر کرنے کی وزیر اعظم اور وزیر داخلہ سازش کر رہے ہیں۔
مظاہرے کے دوران ادھیکار پارٹی کے رہنما اور سابق رکن اسمبلی رام چندر سنگھ یادو نے وزیر اعظم نریندر مودی اور وزیر داخلہ امت شاہ پر نکتہ چینی کرتے ہوئے کہا کہ وزیر اعظم اور وزیر داخلہ سازش کر کے ملک کو مذہب کی بنیاد پر تقسیم کرنے کا کام کر رہے ہیں۔
انہوں نے کہا کہ این پی آر، این آر سی اور سی اے اے کے بہانے ملک کے مسلمانوں کو ہدف بنا کر اس ملک کے دلت اور آدیواسیوں کو ملک بدر کرنے کی سازش کر رہے ہیں۔
انہوں نے کہا کی عوا م بیدار ہو چکی ہے، نریندر مودی اور امت شاہ ہوش میں آجاٶ۔
