دراصل بھبھوا، درگاٶتی کے بعد آج چین پور بلاک ہیڈ کوارٹر پر شہریت ترمیمی ایکٹ کے خلاف زبردست مظاہرہ ہوا۔
یہ مظاہرہ چین پور جامع مسجد سے شروع ہو کر بی ڈی او دفتر تک پہونچا۔ بی ڈی او کو میمورنڈم بھی سونپا گیا۔
یہ مظاہرہ 'بھیم آرمی اور ڈاکٹر امبیڈکٹر اسٹوڈنٹ آف انڈیا مسلم اکھاڑا' چین پور کے بینر تلے نکالا گیا۔
اس موقع پر بڑی تعداد میں عوام ہاتھوں میں تختی کے ساتھ سی اے اے واپس لو، ہندستانی آٸین سے مت کرو کھلواڑ، نہیں چاہیۓ ملک کو بانٹنے والا کالا قانون، جیسے نعروں کے ساتھ مظاہرہ کیا گیا۔
اس موقع پر سید اشفاق ببلو نے کہا کہ' حکومت انصاف کے نام پر آواز کو دبا رہی ہے۔ علی گڑھ مسلم یونیورسٹی، پٹنہ یونیورسیٹی، جامعہ یونیورسیٹی،جواہر لال یونیورسیٹی میں اسٹوڈنٹ پر ہوئے ظلم برداشت نہیں کیے جائیں گے۔'
انہوں نے مزید کہا کہ 'آواز اٹھانے والوں پر ظلم حکومت ہند کے اشارہ پر ہو رہا ہے۔'
اس موقع پر ستیش کمار، بٹٹو تیواری، بلال خان، احمد خان، وقار ساحل وغیرہ موجود تھے۔
