پٹنہ: بہار قانون ساز اسمبلی میں مجاہد آزادی عبدالقیوم انصاری کی 50 برسیی کے موقع پر خصوصی تقریب کا اہتمام کیا گیا جس میں حکمراں جماعت جے ڈی یو اور آر جے ڈی کے ساتھ ساتھ اپوزیشن جماعت بی جے پی کے رہنماوں نے بھی بڑھ چڑھ کر شرکت کی ۔
تقریب سے خطاب کرتے ہوئے سلیم پرویز نے مزید کہا کہ لوگ کہتے ہیں کہ عبدالقیوم انصاری نے قوم و ملت کے لئے کیا کیا۔ میں پوچھتا ہوں کہ قوم کے لوگوں نے عبدالقیوم انصاری کے لئے کیا کیا؟ آپ کو جاننا چاہیے کہ عبدالقیوم انصاری قوم کے لئے وہ کر گئے ہیں جس کی وجہ سے ہم جیسے لوگ آج آپ کے سامنے کھڑے نظر آ رہے ہیں. تعلیم کے میدان میں بیش بہا انہوں نے کام کیا،
انہوں نے کہاکہ جیل کے وزیر کی حیثیت سے انہوں نے مظفر پور جیل میں قیدیوں کی تعلیم کا انتظام کیا۔ مگر ان کے جانے کے بعد یہ سلسلہ ختم ہو گیا، اس لئے میں وزیر اعلیٰ نتیش کمار سے مطالبہ کرتا ہوں کہ وہ بہار کی تمام جیلوں میں قیدیوں کی تعلیم کا انتظام کریں تاکہ اگر لوگ کسی وجہ سے جیل جائیں تو وہ پڑھ لکھ کر باہر آئیں تاکہ مستقبل میں دوبارہ جرائم نہ کریں.
سابق مرکزی وزیر مملکت و رکن قانون ساز کونسل سنجے پاسوان نے کہا کہ دلت اور مسلم اتحاد وقت کی ضرورت ہے۔ عبدالقیوم انصاری نے اپنی ذمہ داریاں نہایت احسن طریقے سے نبھائیں اور ہر کمیونٹی کی ترقی کے لئے زندگی بھر کوشش کی۔ سماجی کارکن تراب نیازی نے عبدالقیوم انصاری کی خدمات پر مرکزی حکومت سے بھارت رتن دینے کا مطالبہ کیا.
یہ بھی پڑھیں:Bhagalpur Deputy Collector Komal Kiran اردو کی چاشنی کبھی اس کو زوال پذیر نہیں ہونے دے گی
اس موقع پر قانون ساز کونسل کے رکن پرمود کمار، مولانا مظہر الحق عربی فارسی یونیورسٹی کے سابق وائس چانسلر عبدالقدوس انصاری، ریاستی گورنمنٹ اردو لائبریری کے صدر ارشد فیروز، بہار اردو اکادمی کے سابق سکریٹری شہزاد انور انصاری نے بھی اظہار خیال کرتے ہوئے عبدالقیوم انصاری کو خراج عقیدت پیش کی. بہار اسٹیٹ مومن کانفرنس کے صدر و عبدالقیوم انصاری کے پوتے تنویر انصاری نے شکریہ کے کلمات کہے. اس موقع پر عبدالقیوم انصاری پر لکھے گئے سووینئر کا اجرا بھی کیا گیا۔
