پٹنہ: بہار کی دارالحکومت پٹنہ میں آر جے ڈی کے دفتر کے سامنے پی ایم مودی کے خلاف پوسٹر لگایا گیا ہے۔ جس میں وزیر اعظم نریندر مودی کو نشانہ بنایا گیا ہے۔ پوسٹر میں پی ایم کو 'فنکار' بتایا گیا ہے۔ جس میں لکھا ہے کہ 'ایک فنکار ملکی اداروں کو اپنی ہدایت پر کٹھ پتلی کی طرح رقص کراتا ہے۔'
پوسٹر میں پی ایم مودی کو 'آرٹسٹ' بتایا: پوسٹر میں واضح طور پر نریندر مودی کی تصویر بنائی گئی ہے۔ جس میں ایک طرف پی ایم کو کٹھ پتلیوں کے ساتھ ناچتے ہوئے دکھایا گیا ہے اور ایک طرف لوک سبھا، راجیہ سبھا، الیکشن کمیشن اور ای ڈی کو کٹھ پتلیوں کے طور پر دکھایا گیا ہے۔ آر جے ڈی کے پوسٹر میں یہ دکھانے کی کوشش کی گئی ہے کہ یہ ادارے وزیر اعظم کے کہنے پر کام کرتے ہیں۔
تحقیقاتی ایجنسی کو لے کر مودی حکومت پر الزامات: تاہم مرکزی تحقیقاتی ایجنسی کو لے کر اپوزیشن کی طرف سے مسلسل سوالات اٹھ رہے ہیں۔ اپوزیشن لیڈروں کا الزام ہے کہ مودی حکومت اپنی سہولت اور اپوزیشن کو ہراساں کرنے کے لیے ای ڈی سی بی آئی اور محکمہ انکم ٹیکس کا غلط استعمال کرتی ہے۔ لالو خاندان خود اس سلسلے میں لگاتار الزامات لگا رہا ہے۔
لالو خاندان پر ای ڈی سی بی آئی کی گرفت: چارہ گھوٹالہ میں مجرم ٹھہرائے گئے لالو یادو، لینڈ فار جاب اسکیم اور آئی آر سی ٹی سی گھوٹالہ کے بھی اہم ملزم ہیں۔ اس کے ساتھ لالو کے بیٹے اور بیٹیاں بشمول ڈپٹی سی ایم تیجسوی یادو، سابق وزیر اعلیٰ رابڑی دیوی اور راجیہ سبھا کی رکن میسا بھارتی کو بھی ملزم قرار دیا گیا ہے۔
مزید پڑھیں:
- انڈیااتحاد اور ہماری پارٹی میں سب متحد ہیں کوئی اختلاف نہیں، نتیش
- مرکز نے سی بی آئی کو لالو یادو سمیت ریلوے کے تین افسران پر مقدمہ چلانے کی اجازت دی
لالو یادو 27 دسمبر کو ای ڈی کے سامنے پیش ہوں گے: آر جے ڈی صدر لالو یادو کو ریلوے میں نوکری کے بدلے زمین لینے کے معاملے میں 27 دسمبر کو ای ڈی کے سامنے پیش ہونا ہے۔ ایسے میں اس سے ٹھیک پہلے آر جے ڈی کارکنوں نے پی ایم مودی پر حملہ کرنے والے پوسٹر لگائے ہیں۔
