Lathicharge on LJP Workers: پٹنہ میں چراغ پاسوان کے پیدل مارچ پر ہنگامہ، حالات کشیدہ

ایل جے پی کے LJP چیف چراغ پاسوان نے کہا کہ ہم پُرامن طریقے سے سڑک پر تھے اور نتیش حکومت کو ہٹانے کا مطالبہ کرتے ہوئے راج بھون میں میمورنڈم دینا چاہتے تھے، تبھی ہمارے کارکنان پر لاٹھی چارج کیا گیا، جو درست نہیں ہے۔ عوام سب کچھ دیکھ چکی ہے، وقت آنے پر جواب دیں گے۔ Lathicharge on LJP Workers During the March

بہار میں بڑھتے جرائم، بے روزگاری، خواتین کے تحفظ میں ناکام نتیش حکومت کے خلاف آج لوک جن شکتی پارٹی کے قومی صدر چراغ پاسوان کی قیادت میں ہوٹل موریہ سے راج بھون پیدل مارچ نکالا گیا، پیدل مارچ میں بہار کے تمام اضلاع سے لوک جن شکتی پارٹی کارکنان بڑی تعداد میں شامل ہوئے۔ لیکن راج بھون کی جانب بڑھ رہے پیدل مارچ کو ہڑتالی موڑ کے پاس روک دیا گیا۔ Lathicharge on LJP Workers During the March

جب کارکنان نہیں مانے تو پولیس انتظامیہ نے کارروائی کرتے ہوئے پانی کی بوچھار شروع کردی اور آنسو گیس کے گولے چھوڑے جس کے نتیجے میں بھیڑ منتشر ہوگئی۔ مگر چراغ پاسوان نے مورچہ سنبھالے رکھا اور مسلسل آگے بڑھنے کی کوشش کرتے گئے۔