خاتون کی پہچان بچے کی ماں اور اس کے رشتہ داروں نے بھی کر لیا ہے۔ حالانکہ تادم تحریر لکھے جانے تک بچے کی برآمدگی نہیں ہو سکی ہے۔ چھاپے ماری کے دوران پولیس نے خاتون کے گھر سے ایک رائفل اور کئی مشکوک سامان بھی برآمد کیا ہے۔ پولیس خاتون سے پوچھ تاچھ میں مصروف ہے۔ پولیس اس ضمن میں زیادہ کچھ بتانے کو تیار نہیں ہے۔
ایس ایس پی راجیو مشرا نے بتایا کہ بچہ چوری کے معاملے میں ایک خاتون کو حراست میں لیا گیا ہے۔ پولیس اس سے پوچھ تاچھ کر رہی ہے۔ اس کے گھر سے ایک رائفل بھی برآمد کیا گیا ہے۔ آرمس ایکٹ کے تحت الگ سے مقدمہ درج ہوگا۔ نومولود بچے کی برآمدگی نہیں ہو پائی ہے لیکن جلد ہی اس میں کامیابی پولیس حاصل کر لے گی۔ انہوں نے کہا کہ جب تک پوری جانکاری ہاتھ نہیں لگے گی تب تک زیادہ تفصیل بتانا درست نہیں ہے۔ حالانکہ انہوں نے اس بات کی تصدیق کر دی ہے کہ حراست میں لی گئی خاتون نے ہی نومولود بچے کو چوری کر کے لے گئ ہے۔ سی سی ٹی وی کیمرہ میں بھی وہی خاتون نظر آرہی ہے۔ خاتون کو گیا کے مفصل تھانہ حدود میں واقع گھر سے حراست میں لیا گیا ہے۔
خیال ہو کہ گزشتہ جمعہ کو بی سی جی کا انجیکشن لگوانے کے نام پر ایک خاتون نے سونی کماری کے نومولود بچے کو اپنے ساتھ لے کر گئی تھی۔ ساتھ میں بچے کے باپ سریندر چودھری بھی گئے تھے لیکن اچانک بھیڑ کا فائدہ اٹھا کر خاتون بچے کو لے کر فرار ہو گئی تھی۔ جس کے بعد معاملے نے طول پکڑ لیا تھا۔ معاملے کو رفع دفع کرنے کے لیے انوگرہ نارائن ہسپتال کے جونیئر ڈاکٹروں نے بچے کے رشتہ داروں کے ساتھ مار پیٹ بھی کیا تھا اور مسلسل ہسپتال سے جانے کا دباو بھی بنا رہے تھے۔
جونیئر ڈاکٹروں پر بچے کے رشتہ داروں نے بچہ چور خاتون سے سازباز کا بھی الزام لگایا تھا۔ اسی معاملے کو لے کر گزشتہ روز خبر مرتب کرنے گئے صحافیوں پر جونیئر ڈاکٹروں نے جان لیوا حملہ کر دیا تھا۔ جس میں ایک نیوز چینل کے صحافی ایلن لیلی زخمی بھی ہو گئے تھے۔ اس واقعہ کے بعد سیاست گرما گئی تھی۔ اپوزیشن کے لیڈران سمیت حکمراں جماعت کے لیڈران نے اس واقعہ کی سخت الفاظ میں مزمت کی تھی۔ معاملہ کے طول پکڑے جانے کے بعد محکمہ صحت اور وزیراعلی نتیش کمار کی ہدایت پر پورے معاملے کی تحقیقات کی ہدایت دی گئی ہے۔
