ریاست بہار کے ضلع گیا کلکٹریٹ میں آج ضلع امن کمیٹی کی میٹنگ ہوئی اس کی صدارت ڈسٹرکٹ مجسٹریٹ ڈاکٹر تیاگ راجن ایس ایم نے کی۔ اس میٹنگ میں سول و پولیس انتظامیہ کے اعلیٰ حکام سمیت سبھی مذہب کے نمائندے اور سیاسی و سماجی جماعتوں کے رہنما اور کارکنان شامل ہوئے۔ District Level Peace Committee Meeting Regarding Holi and Shabe Barat
میٹنگ کا واضح مقصد یہ تھا کہ ہولی اور شب برأت کو پرامن ماحول میں اختتام کرانے میں معاشرے کے سبھی طبقے کا انتظامیہ کو تعاون ہو آپسی بھائی چارے اور پرانی روایتوں کے تحت مل جل کر سبھی تہوار منائیں
ڈی ایم کو بتایا گیا کہ چونکہ دو برسوں بعد اس مرتبہ بڑے پیمانے پر ہولی کا جشن منایا جائے گا اور اس موقع پر شب برأت بھی ہے تو ایسی صورت میں پولیس کو مستعد رہنے کی ضرورت ہے پولیس سماج دشمن عناصر پر پہلے ہی کارروائی کرے تو حالات کنٹرول میں ہوں گے جس پر ڈسٹرکٹ مجسٹریٹ تیاگ راجن نے یقین دلایا کہ سبھی حساس مقامات پر گشتی کی ہدایت دی گئی ہے پولیس منصفانہ جانچ کرکے کارروائی شروع کر دی ہے باؤنڈ پیپر بھروائے جارہے ہیں کہیں سے بھی کسی طرح کی معلومات حاصل ہونے انتظامیہ کو باخبر کرنے کی اپیل کی۔
امن کمیٹی ضلع میں برسوں سے فعال ہے اور یہ ضلع میں فرقہ وارانہ تشدد کو روکنے اور گنگا جمنی تہذیب کے فروغ پر کام کرتی ہے اس میں ڈی ایم اور ایس ایس پی کے علاوہ مندر کے پجاری اور مسجد کے امام سمیت گردوارہ کے نمائندہ اور سبھی مذہب کے نمائندے سیاسی و سماجی جماعتوں کے رہنما شریک ہیں۔
