تعلیم کو عام کیا جانا چاہئے : ولی رحمٰنی

امارت شرعیہ بہار ،اوڈیسہ، جھارکھنڈ کے امیر شریعت مولانا ولی رحمٰنی نے کہا کہ تعلیم سب کے لیے عام ہو اسکی کوشش ہونی چاہیے۔ تعلیم سے زندگی میں بڑا انقلاب آتا ہے۔

ریاست بہار کے دارالحکومت کے پھلواری شریف میں انٹرنیشنل اسکول کے افتتاحی اجلاس میں امارت شرعیہ بہار، اوڈیسہ اور جھارکھنڈ کے امیر شریعت مولانا ولی رحمنی نے شرکت کی،

امیر شریعت مولانا ولی رحمٰنی نے آج افتتاحی اجلاس سے خطاب کرتے ہوئے کہا کہ علم سے زندگی میں انقلاب برپا ہوتا ہے۔ علم کا چراغ جلتے رہنا چاہیے اور تعلیم ہی ہر مسائل کا حل ہے۔

وہیں انٹرنیشنل اسکول کی ڈائریکٹر فرحت حسن نے کہا کہ اسکول کے قیام سے ہمیں خوشی ہو رہی ہے۔ پھلواری شریف کے لوگوں کا سپورٹ چاہیے. انہوں نے اعلان کیا کہ پہلے 50 بچوں کا داخلہ مفت میں کیا جائے گا۔ملک کے معروف سرجن ڈاکٹر احمد عبدالحی نے کہا کہ تعلیم کو روایتی طور پر جاری نہیں رکھا جا سکتا ہے. اس دور میں اعلی تعلیم کی ضرورت ہے۔