سڑک کی بدترین حالت اور فلگوندی میں بڑھ رہی آلودگی سے متعلق ایک عرضی پر سماعت کرتے ہوئے پٹنہ ہائی کورٹ نے سڑک کی تعمیر، آبی وسائل اور محکمہ سیاحت کے پرنسپل سیکریٹری کو عدالت میں طلب کیا ہے۔
چیف جسٹس سنجے کرول کی بینچ نے گورو کمار سنگھ کے ذریعے داخل کیے گئے مفاد عامہ کی عرضی پر سماعت کی۔ عدالت نے گیا کے ڈی ایم مونسپل کمشنر اور قومی شاہراہ کے افسران کو بھی طلب کیا ہے ۔
عدالت کو بتایا گیا کہ دارالحکومت پٹنہ سے گیا جانے والی سڑک کی حالت بہت بدترین ہے جس پر سفر کرنا انتہائی دشوار ہے۔ گیا اور بودھ گیا دونوں بین الاقوامی سیاحتی اور مذہبی مقام ہے، لیکن سیاحوں کی سہولت کے لئے کوئی بہتر انتظام نہیں ہے۔
عدالت نے فلگوندی میں بڑھ رہی آلودگی اور گندگی کو کافی سنجیدگی سے لیا ہے اور اس معاملے پر اگلی سماعت 9 دسمبر کو ہوگی۔
