ریاست بہار کے ضلع گیا میں بھی آج شارخ کی فلم پٹھان ریلیز ہوگئی ہے۔ یہاں کے سب سے بڑے سنیما ہال اے پی آر میں تین دنوں تک ہاوس فل ہے۔ ایک دن میں 10 شو دکھائے جا رہے ہیں۔ جس طرح سے فلم کو لیکر تنازع ہو رہا تھا اس سے قیاس آرائی کے بازار بھی گرم تھا کہ گیا میں بھی ہنگامہ ہوگا تاہم یہاں پہلے دن اس طرح کا کوئی معاملہ پیش نہیں آیا ہے۔
احتیاطا سنیما گھروں کے مالکان کی درخواست پر انتظامیہ کی جانب سے پولیس فورس کی تعیناتی کی گئی ہے۔ ساتھ ہی یہاں اے پی آر سنیماہال نے اپنے دونوں آوڈی میں نجی گارڈز بھی بڑی تعداد میں تعینات کیا ہے۔ یہاں پہلے دن فلم پٹھان دیکھنے والے مداحوں نے ای ٹی وی بھارت سے بات کرتے ہوئے کہا کہ اس فلم میں متنازعہ مناظر نہیں ہیں بلکہ یہ فلم حب الوطنی پر مبنی ہے۔
ایک مداح جو شارخ خان کی آواز کی میمیکری کرتا ہے وہ شارخ خان کی تصویر والی ٹی شرٹ پہن کر سنیما ہال پہنچا تھا اس نے شارخ خان کی آواز میں فلم پٹھان کا ڈائلاگ بولتے ہوئے کہا کہ ہانچ برسوں بعد شارخ خان کی پردے پر واپسی ہوئی ہے، ان کے مداح اس موقع کو چھوڑنا نہیں چاہتے ہیں یہاں اے پی آر سنیما کے منیجر گریش سنگھ نے کہا کہ دس شو میں پٹھان فلم چل رہی ہے، سبھی شو ہاوس فل ہیں۔ تنازع کے پیش نظر پولیس جوانوں کی تعیناتی ہے تاہم سبھی پرامن ماحول میں فلم کے مناظر سے لطف اندوز ہو رہے ہیں۔
یہ بھی پڑھیں:
Pathaan is House Full فلم پٹھان ریلیز کے پہلے ہی دن ایک ہفتہ کے لیے ہاؤس فل ہوگئی
VHP On Pathan Film گجرات میں وشو ہندو پریشد کا فلم پٹھان کی مخالفت نہ کرنے کا اعلان
انہوں نے اس فلم کے تعلق سے کہا کہ وہ خود پہلے شو میں اس فلم کو دیکھ چکے ہیں انہیں یہ فلم حب الوطنی پر مبنی فلم لگی جبکہ ایک دوسرے مداح نے کرن دوبے نے کہا کہ جتنا تنازع ہوا ہے اتنا ہی اس فلم کو فائدہ ہوا یہاں مداحوں کی تعداد اکثریتی طبقے سے زیادہ ہے اس لیے جو مذہبی منافرت پھیلانے کی کوشش کر رہے تھے وہ اس میں کامیاب نہیں ہوئے ہیں شارخ خان ایک بہترین فنکار ہیں۔
گیا کے معروف گلوکار ثاقب بھارتی نے کہا کہ انکی یہ پسندیدہ فلم بن گئی ہے۔ واضح رہے کہ گیا کے اے پی آر سنیماہال میں ایک ہال میں 180اور دوسرے ہال میں 249سیٹ ہیں جو سبھی بک ہوچکی ہیں۔ گیا کا یہ ہائی ٹیک سنیما ہال ہے جس کی وجہ سے یہاں سب سے زیادہ ناظرین پہنچتے ہیں۔
