دربھنگہ: سڑک حادثے میں ایک شخص ہلاک

ریاست بہار کے ضلع دربھنگہ میں سڑک حادثے میں ایک شخص کی موت ہونے سے مشتعل مقامی لوگوں نے معاوضہ کے مطالبہ کے سلسلے میں سڑک جام کر دیا، جس سے آمدورفت متاثر رہی۔

ریاست بہار کے ضلع دربھنگہ میں واقع کمتول تھانہ علاقے کے نگرا موڑ کے پاس ایک معمر شخص کی سڑک حادثے میں زخمی ہونے کے بعد علاج کے دوران موت ہو گئی۔

جس کے بعد مقامی لوگوں نے معاوضہ کی مانگ کو لیکر کمتول این ایچ 75 کو گھنٹوں جام کر دیا، اس دوران سڑک کی دونوں جانب گاڑیوں کی لمبی قطار لگ گئی۔

سڑک حادثے میں ہلاک ہوئے شیو کمار راج مستری تھے اور اپنے گھر میں تنہا کمانے والے تھے۔

سڑک جام کرنے کی خبر ملتے ہی کمتول تھانہ پولیس موقع پر پہنچی اور کافی مشقت کے بعد مظاہرین کو سڑک سے ہٹایا تب جاکر آمدورفت بحال ہوسکی۔