ریاست بہار کے ضلع بانکا کی سرحد پر روزانہ 100 سے زیادہ تارکین وطن مزدور کا آنا جاری ہے۔ لیکن سرحد پر ان کے رہنے کے لئے کسی بھی طرح کا انتظام نہیں کیا گیا ہے۔ اسی لئے تمام لوگوں کو وہاں سے آٹھ کلومیٹر دور چاندن پیدل آ نا پڑ رہا ہے۔ چاندن میں کئی گھنٹوں کے انتظار کے بعد بانکا سے گاڑی آنے پڑ انہیں بھیجا جاتا ہے۔
دراصل جھارکھنڈ سے کھگریا جانے کے لئے روانہ ہوئے مزدوروں کو حکومت نے جھارکھنڈ کے درد مارہ بارڈر پر لا کر چھوڑ دیا۔ جہاں قیام اور کھانے پینے کا کوئی انتظام نہیں ہے۔ ان لوگوں کو بغیر جانچ کے ہی 8 کلومیٹر پیدل چل کر چاندن پہنچنا پڑا۔
وہیں چار طلباء جھارکھنڈ سے دربھنگہ کے لئے پیدل ہی چل پڑے۔ کسی بھی افراد کی دردمارہ بارڈر پر جانچ نہیں کی گئی۔
اس معاملے کو لے کر چاندن کے بی ڈی او نے کسی بھی قسم کی معلومات سے انکار کیا ہے۔
