نوزائیدہ بچی کو پھینک کر ماں فرار

ریاست بہار کے ضلع کیمور سے ایک دل دہلا دینے والا واقعہ سامنے آیا ہے، جب ایک ماں اپنی ہی شیر خوار بچی پھینک کر فرار ہوگئی ۔

یہ واقعہ رام گڑھ تھانہ کے گاؤں روہیا کا ہے، جہاں مقامی لوگوں کی اطلاع کے بعد پولیس نے نومولود بچی کو اپنی تحویل میں لے کر ہسپتال کے حوالہ کیا۔

مقامی لوگوں کا کہنا ہے کہ یہ سانحہ اس وقت پیش آیا ہے جب مرکزی اور ریاستی حکومت کی جانب سے زوردار طریقہ سے 'بیٹی بچاٶ بیٹی پڑھاٶ' کے نعرے بلند کیے جا رہے ہیں۔

مقامی لوگوں نے یہ بھی کہا کہ بیٹی بچاؤ بیٹی پڑھاؤ نامی منصوبہ پر لاکھوں روپیے خرچ کیے جا رہے ہیں لیکن کیمور میں اس کے برعکس دیکھنے کو مل رہا ہے۔ حکومت کے لاکھ دعوے کے باوجود اس منصوبے کو لوگ کھلے عام بے کار ثابت کرنے پر تلے ہوئے ہیں۔ لوگوں کی سوچ میں اس متعلق کوئی تبدیلی نہیں دکھ رہی ہے۔

گذشتہ رات ضلع کے رام گڑھ تھانہ حلقہ کے روہیا گاٶں کے پاس صبح میں مقامی لوگوں نے ایک سڑک کے کنارے جھاڑی میں نو زاٸیدہ بچی کو دیکھ کر اس کی اطلاع تھانہ کو دی گئی۔ پولس نے ہسپتال پہونچا کر بچی کا چیک اپ کرایا ۔بچی خبر ارسال کیے جانے تک پوری طرح تندرست تھی۔