اطلاعات کے مطابق نالندہ کی شیخنا مسجد میں گذشہ ماہ ایک اجتماع منعقد ہوا تھا جس میں 640 افراد نے شرکت کی تھی جن میں سے 277 شرکاء کو کورنٹائن کردیا گیا ہے۔
ضلع نوادہ سے تعلق رکھنے والے ایک شخص کا کورونا ٹسٹ مثبت آیا ہے انہوں نے نالندہ کے اجتماع میں شرکت کی تھی۔ ایک اور شخص جس نے دہلی کے مرکز میں شرکت کرنے کے بعد نالندہ اجتماع میں شرکت کی تھی کا کورونا ٹسٹ بھی مثبت پایا گیا ہے۔
عہدیداروں کے مطابق ان افراد کے رابطوں کے تعلق سے معلومات جمع کی جارہی ہیں۔ حکام نے شیخانہ مسجد کو سیل کردیا ہے۔ اور مزید لوگوں کی تلاش کر رہی ہے جو اس اجتماع میں شریک ہوئے تھے۔
