بہار کے مظفرپور ضلع کے گائے گھاٹ تھانہ علاقے کے لوچا گاؤں میں ایک نوجوان کا گلا ریت کر قتل کر دیا گیا۔ مقتول گیس نگر گاؤں کا رہنے والا تھا۔
لواحقین کے مطابق 35 سال کے ارون مانجھی نزدیک کے ہی بھوسرا گاؤں کے رامانند سنگھ کے اینٹ بھٹہ پر ٹریکٹر چلانے کا کام کرتا تھا۔ گزشتہ رات گھر آنے میں تاخیر ہونے کے بعد اس کے موبائل پر فون کیا گیا، لیکن کئی بار کوشش کے باوجود بات نہیں ہوپائی۔
مزید پڑھیں: کیمور: سڑک حادثے میں ایک شخص ہلاک، ایک زخمی
صبح جانکاری ملی کہ گائے گھاٹ پولیس کو لوچا گاؤں میں خون سے شرابور نوجوان کی لاش ملی ہے۔ گھر والوں کے وہاں پہنچنے پر ارون مانجھی کی شناخت ہوئی۔
پولیس نے لاش کو قبضے میں لے کر کارروائی شروع کردی ہے۔ خدشہ ظاہر کیا جا رہا ہے کہ دوسری جگہ ارون کا قتل کرکے لاش کو لوچا گاؤں کے نزدیک پھینک دیا گیا۔
وہیں ڈی ایس پی سہ تھانہ صدر امت کمار نے بتایا کہ اس واردات کو لے کر لواحقین کی طرف سے کسی طرح کی شکایت موصول نہیں ہوئی ہے۔ درخواست ملنے پر تحقیقات میں تیزی لائی جائے گی اور کسی کو بخشا نہیں جائے گا۔
مزید پڑھیں: Mawya Sudan: ماویہ سدن راجوری کی پہلی خاتون فائٹر پائلٹ بن گئیں
