گیا: بہار کے ضلع گیا میں مومن کانفرنس کی جانب سے منعقدہ دو روزہ اجلاس کا آج آخری دن ہے۔ اجلاس میں کئی مسائل پر تبادلہ خیال کیا گیا۔ اجلاس میں بہار کے انصاری برادری کی ترقی وبہبود کے ساتھ تعلیمی شرح میں اضافے اور سیاسی حصے داری کے لیے بیداری مہم چلانے کی بھی منصوبہ بندی کی گئی، ساتھ ہی کہا گیا کہ مردم شماری میں برادران انصار کے درمیان بیداری پیدا کی جائے گی۔
مومن کانفرنس کے ضلع صدر ماسٹر محمد منصور انصاری نے اجلاس کے دوران کئی تجویز پیش کی اور کہاکہ تاریخ گواہ ہے کہ آپسی انتشار قوموں کی تنزلی کاباعث بناہے۔ اتحاد واتفاق ایک ایسی کنجی ہے جو ترقی کی راہ میں حائل سبھی روکاوٹوں کو کھول دیتی ہے، اگر آپس میں اتحاد واتفاق ہو تو حکمرانوں کو بھی صحیح راہ دکھاسکتے ہیں اور اپنے حقوق کی بازیابی بھی کرسکتے ہیں۔ Issues Discussed in Momin Conference انہوں نے کہاکہ وقت آگیا ہے کہ انصاری برادری کی سیاسی حصے داری پر بھی باتیں ہوں اور برادری کو خاطر خواہ حصے داری دلائی جائے لیکن اس کے لیے سبھی کو متحد ہونا ہوگا
مزید پڑھیں:
وہیں اس سے قبل مومن کانفرنس کے اس پروگرام کا آغاز تلاوت قرآن پاک سے ہوا، پروگرام کی صدارت مومن کانفرنس کے ریاستی صدر مولانا ابوالکلام قاسمی نے کی جبکہ اس موقع پر ریاستی و ضلعی سطح کے رہنماء اور کارکنان موجود تھے۔
واضح رہے کہ مومن کانفرنس بہار کی ایک بڑی تنظیم ہے جو خصوصی طور پر انصاری برادری کے فلاح وبہبود اور تعلیمی بیداری پر کام کرتی ہے۔ منصور انصاری نے کہاکہ مومن کانفرنس کا برسوں سے سیاسی پارٹیوں سے مطالبہ رہاہے کہ مسلم معاشرے کی وہ برادریاں جو پسماندہ اور پچھڑی ہوئی ہیں ان کو سیاسی حصے داری یعنی کے ریزرویشن دیا جائے۔
