ریاست بہار میں اسمبلی انتخابات آئندہ برس ہوں گے جس کے لیے سیاسی جماعتوں نے حکمت عملی تہار کرنا شروع کر دیا ہے۔
اس دوران سیاسی رہنماؤں کے ذریعے الزام تراشیوں کا بازار بھی گرم ہے جبکہ سیاسی رہنماؤں کے بیانات محسوس ہو رہا ہے کہ اس مرتبہ وزیراعلی کے امیدوار کو لے کر این ڈی اے کو پریشانیوں کا سامنا کرنا پڑ سکتا ہے۔
سابق ریاستی وزیر و بی جے پی رہنما مہاچندر پرساد سنگھ نے ای ٹی وی بھارت سے گفتگو کے دوران کہا کہ 'میں یہ ضرور کہا کہ وزیراعلی کے امیدوار کو لیکر جو بحث جاری ہے وہ ہسوا کی شادی میں کھرپی کا گیت گانے جیسا ہے گویا کہ یہ بے وقت کی شہنائی ہے اور وقت آنے پر این ڈی اے کا فیصلہ ہوگا کہ بہار کا وزیراعلی کون ہوگا ؟
انہوں نے کہاکہ وزیراعظم نریندر مودی کی قیادت میں این ڈی اے کی میٹنگ ہوگی اور تمام تر تبادلہ خیال کے بعد فیصلہ ہوگا اور وہی فیصلہ حتمی فیصلہ ہوگا ۔
حالانکہ انہوں نے وزیراعلی نتیش کمار کی تعریف بھی کی اور کہا کہ ان کی قیادت میں حکومت بہتر کام کررہی ہے۔
مہاچندر پرساد سنگھ نے اس دوران اپنے سابق ساتھی وبہارکے سابق وزیراعلی جیتن رام مانجھی پر بھی تنقیدکرتے ہوئے کہا کہ جیتن رام مانجھی مونگیری لال کا خواب دیکھ رہے ہیں کہ وہ دوبارہ سے وزیراعلی بن جائیں گے لیکن حقیقت میں ایسا ہونا نا ممکن ہے۔
انہوں نے دعویٰ کیا کہ اسمبلی انتخابات میں حزب اختلاف نام کی کوئی بھی جماعت باقی نہیں رہے گی اور بھارتیہ جنتا پارٹی اکثریت کے ساتھ حکومت بنائے گی۔
واضح رہے کہ بہار اسمبلی انتخابات جیسے جیسے قریب آرہا ہے ویسے ویسے سیاسی رہنماؤں کی بیان بازیاں جاری تیز ہوتی جا رہی ہیں۔
گزشتہ روز بی جے پی کے سینیئر رہنما و قانون ساز کونسل کے رکن سنجے پاسوان نے بیان دیا تھا کہ بہار میں اگلا وزیراعلی بی جے پی کا ہوگا۔
ان کے اس بیان سے بہار کی سیاست میں ہلچل مچ گئی تھی اور بی جے پی و جے ڈی یو کے درمیان تلخیاں پیدا ہوگئی تھیں، حالانکہ بہار کے نائب وزیراعلی و بی جے پی لیڈر سشیل کمار مودی نے واضح کیاتھا کہ بہار کا اگلا کیپٹین نتیش کمار ہی ہوں گے اور انہی کی قیادت میں انتخاب لڑا جائیگا۔
