ضلع سیتامڑھی میں بھی سیلاب کا قہر جاری ہے، جہاں ایس ڈی آر ایف کی ٹیم لوگوں کو بچانے میں مصروف ہے۔
یہاں کی خاص بات یہ ہے کہ یہاں کانگریس پارٹی کے رکن اسمبلی امت کمار، ایس ڈی آر ایف کی ٹیم کے ساتھ سیلاب میں پھنسے لوگوں کو نکال رہے ہیں۔
یہاں سیلاب کا پانی گھروں میں بھی داخل ہوگیا ہے۔ ہزاروں افراد متاثر ہوئے ہیں جو مدد کے لیے اپنے اپنے گھروں کی چھت پر پناہ لیے ہوئے ہیں۔
کانگریس کے رکن اسمبلی امت کمار سیلاب زدگان کی مدد کے لئے آگے آئے ہیں اور لوگوں کو نشیبی علاقے سے نکال کر محفوظ مقامات تک پہنچا رہے ہیں۔
انہوں نے ایس ڈی آر ایف کی مدد سے تقریباً دو درجن خاندان کے اہل خانہ کو محفوظ مقامات تک پہنچانے میں کامیابی حاصل کی۔
یہ بھی پڑھیے:موتیہاری: سیلاب متاثرہ نوجوان کی ڈی ایم نے بچائی جان
تاہم یہ ان کی پہلی کوشش نہیں ہے۔ اس سے قبل بھی گذشتہ سال آنے والے سیلاب کے دوران بھی لوگوں کی مدد کی تھی۔
