اس میٹنگ میں راشٹریہ جنتا دل کے رہنماؤں نے ہڑتال کو کامباب بنانے سے متعلق تبادلہ خیال کر کے سبھی ایسوسیئشن سمیت مقامی باشندوں سے ہڑتال کوکامیاب بنانے کی اپیل کی ہے۔
ضلع گیا میں بدھ کو رشٹریہ جنتا دل کی میٹنگ شہر کے ایک ہوٹل میں منعقد ہوئی۔ اس میں این آر سی اور سی اے اے کے خلاف احتجاج میں 21 دسمبر کو آر جے ڈی کے بہار بند کے کال کو کامیابی بنانے کے لیے حکمت عملی تیار کی گئی۔
بتایا جا رہا ہے کہ کئی مطالبات تسلیم کروانے کی غرض سے بہار بند کا اعلان کیا گیا ہے جس میں سی اے اے کو واپس لینے کے مطالبے کے ساتھ بہار میں قتل ، اغوا ، لوٹ مار ، عصمت دری ، بدعنوانی ، معاشی سست روی وغیرہ شامل ہے۔
ہفتہ کو بہار بند کی حمایت کرنے کے لیے چیمبر آف کامرس، بلین ایسو سیئشن، ایڈوکیٹس ایسو سیئشن، آٹو یونین ، بزنس ایسو سیئشن، ایجوکیشنل ایسو سیئشن جیسی تنظیموں اور اداروں سے بھی خصوصی اپیل کی گئی ہے۔
طبی خدمات اور تعلیمی اداروں کو بہار بند سے آزاد رکھا گیا ہے۔اس میٹنگ کی صدارت آر جے ڈی کے رہنما عزیر احمد خان نے کی اور پروگرام کی نظامت جیتندر کمار یادو نے کیا۔
آر جے ڈی کے رکن اسمبلی سریندر پرساد یادو ، رکن اسملبی سمتا دیوی ، رکن اسمبلی کمار سروجیت ، آر جے ڈی کے رہنما مرشد عالم ، محمد عاسر ، وجئے سنگھ چندرونشی ، بلبل انصاری، جگنو یادو جیسے سیکڑوں کارکنان و رہناؤں موجود تھے۔
آرجے ڈی کے سنیئر رہنما عذیر احمد خان نے کہا کہ مہاتما گاندھی اور لالو پرساد یادو کے ماننے والے ہمیشہ باہمی رواداری ، اخوت اور بھائی جارگی کوبرقرار رکھنے کے ساتھ ملک کے آئین کی روح کومجروح ہونے سے بچانے کی لڑائی لڑی ہے۔
ساولکر کے ماننے والے فاسسٹ خیالات کے افراد ملک میں نفرت پھیلانے میں کوئی کثر نہیں چھوڑتے ہیں ۔انہوں نے بتایا کہ ہڑتال کو کامیاب بنانے کے لیے تمام طبقات سے اپیل کی گئی ہے
