'تاریخی شہر گیا کو بنیادی سہولتوں سے منظم کیا جائے'

پٹنہ ہائی کورٹ نے ضلع گیا پر اہم سماعت کرتے ہوئے ریاستی حکومت کو کچھ اہم ہدایات دیتے ہوئے کہا ہے کہ مذہبی وہ سیاسی اعتبار سے اپنے باوقار ماضی کے لیے مشہور ضلع گیا کو بنیادی سہولتوں سے منظم کیا جائے اور یہاں آنے والے عقیدت مندوں اور سیاحوں کے لیے بنیادی سہولتوں کو مہیا کرایا جائے۔

ریاست بہار کے تاریخی شہر گیا کے تعلق سے پٹنہ ہائی کورٹ نے ایک مفاد عامہ کی عرضی پر سماعت ہوئی اس دوران پٹنہ ہائی کورٹ نے مذہب اور سیاحت کے اعتبار سے اہم تاریخی شہر گیا کی سڑکوں کی خستہ حالی پر حکومت اور این ایچ اے ای سے جواب طلب کیا۔

اس معاملے میں دائر مفاد عامہ کی عرضی پر جسٹس جوتی شرن کی بینچ نے سماعت کرتے ہوئے گیا شہر کے شاندار ماضی کو بحال کرنے کی ضرورت بتاتے ہوئے کہا کہ' گیا شہر مذہبی عقیدت مندوں اور سیاحوں کے لیے بہت ہیں اہم مقام ہے یہاں بنیادی سہولتوں کے فقدان کی وجہ سے سیاحوں کو کافی دشواریوں کا سامنا کرنا پڑتا ہے'۔

ایک دوسرے کیس میں پٹنہ ہائی کورٹ نے پٹنہ میونسپل کارپوریشن کاؤنسلر شاردا کماری کو عہدے سے ہٹانے کے فیصلے کو رد کرتے ہوئے انہیں راحت دی ہے جسٹس اشونی کمار سنگھ کی یک رکنی بینچ نے شاردا کماری کی عرضی پر سماعت کرتے ہوئے پٹنہ الیکشن کمیشن کو یہ ہدایت دی کہ انہیں بحال کیا جائے۔

واضح رہے کہ شاردا کماری کو کم عمر ہونے کے سبب عہدے سے برطرف کیے جانے کی ہدایت الیکشن کمیشن نے دی تھی اس ہدایت کو عدالت میں چیلنج کرتے ہوئے شاردا کماری نے ایک عرضی داخل کی تھی جس پر عدالت نے سماعت کرنے کے بعد یہ فیصلہ سنایا۔