بہار میں سیلاب اور بارش میں ہلاک ہونے والوں کی تعداد 161 سے زائد ہوچکی ہے۔ تقریباً 15 اضلاع میں لگاتار موسلادھار بارش کے سبب عوام سخت پریشان ہیں۔
ریاست کے دارالحکومت پٹنہ میں بارش رک جانے کے بعد بھی متعدد علاقوں میں ابھی بھی پانی جمع ہے۔ کچھ علاقوں میں سے جمع پانی کو باہر نکالا جارہا ہے۔
بارش کا پانی جمع ہونے کے سبب ریاست میں متعدد وبائی امراض نے زور پکڑ لیا ہے۔ ریاست بھر سے ڈینگو کے 666 کیسز سامنے آئے ہیں۔
صرف پٹنہ میں سے ہی 405 کیسز ڈینگو سامنے آئے ہیں۔ ا سکے بعد چکن گنیا کے 73 کیسز سامنے آئے ہیں۔ جس میں سے 60 کیسز پٹنہ کے ہیں۔
این ڈی آر ایف اور ایس ڈی آر ایف کی ٹیمیں راحت رسانی کے کام اب تک انجام دے رہی ہیں۔
