پولیس ذرائع نے یہاں بتایاکہ سرحدی ریاست اتر پردیش کے مہاراج گنج ضلع کے ٹھوٹھی باری شہر سے ایک بولیرو پر سوار ہوکرنند لال سونی (80) اپنے کنبہ کے ساتھ والمیکی نگر کے ٹنکی بازار واقع اپنے رشتہ دار وشو ناتھ سونی کے یہاں مذہبی پروگرام میں شرکت کیلئے جارہے تھے ۔
اسی دوران بگہا پل کے نزدیک بگہا ۔ والمیکی نگر اہم شاہراہ پر بولیرو بے قابو ہوکر سڑک کنارے ایک درخت سے ٹکرا گئی ۔
ذرائع نے بتایاکہ اس حادثے میں نندلال سونی کی موقع پر ہی موت ہوگئی جبکہ ان کا بیٹا ناگمنی سونی ، بہو نیتو سونی اور پوتی سانو اور ڈرائیور شدید طور سے زخمی ہوگیا ۔
زخمیوں کو علاج کیلئے بگہا سب ڈویژنل اسپتال لایا گیا ہے ۔ بولیرو ڈرائیور کی حالت نازک بنی ہوئی ہے ۔
متوفی نندلال سونی حقیقی طور سے بگہا نگر تھانہ کے چکھنی گاﺅں کے باشندہ تھے ۔ بعدمیں وہ اپنے کنبہ کے ساتھ اتر پردیش کے مہاراج گنج ضلع کے ٹھوٹھی باری شہر چلے گئے اور وہاں کپڑے کی تجارت کر تے تھے ۔
