ریاست بہار کے کیمور ضلع میں گزشتہ روز ہوئے سڑک حادثہ میں گجرات کے بروڑہ سے اپنے گاؤں لوٹ رہی ایک خاتون کی موت ہوگئی اور دو افراد شدید طور پر زخمی ہو گئے۔ یہ حادثہ بھٹی گاؤں کے قریب شیر شاہ سوری شاہراہ پر مہنیا تھانہ علاقہ میں پیش آیا۔
وہیں خاتون کے شوہر اور کار ڈرائیور کی حالت تشویشناک بتائی جا رہی ہے ، جنہیں بہتر علاج کے لئے بنارس ٹراما سینٹر ریفر کردیا گیا ہے۔
کہا جاتا ہے کہ روہتاس ضلع کے کراکت رہائشی شکنتلا دیوی اپنے شوہر اور بھائی کے ساتھ گجرات کے بڑودہ سے اپنے بڑے بیٹے سے ملنے کے بعد واپس آرہے تھے۔ تبھی ان کی کار اوور ٹیک کر رہی ٹرک میں جا ٹکرائی، جس کے بعد شکنتلا دیوی کی موقع پر ہی موت ہوگئی۔
یہ بھی پڑھیں: گذشتہ بارہ گھنٹوں میں چار عسکریت پسند اور دو جوان ہلاک
حادثہ کی خبر ملتے ہی آس پاس کے لوگ جمع ہوگئے، جن کی مدد سے تمام لوگوں کو باہر نکلا گیا اور خاتون کے شوہر اور ڈرائیور کی حالت تشویشناک دیکھ کر انہیں بنارس ٹراما سینٹر ریفر کردیا گیا، جہاں ان کا علاج جاری ہے۔
فی الحال پولیس معاملے کی تفتیش کر رہی ہے۔
