ریاست بہار کے شہر گیا میں مکرسنکرانتی کے موقع پر پتنگ بازی میلہ کاانعقاد ہوا، اس پروگرام کا آغاز ضلع مجسٹریٹ ابھیشیک سنگھ نے پتنگ اڑاتے ہوئے کیا۔
اس موقع پر 'جل جیون ہریالی' کی علامت کے طور پر غباروں کے ذریعہ تین رنگ کی پتنگ اڑائی گئی، اسٹیڈیم احاطہ میں 'جل جیون ہریالی' کے علامت والی ایک بڑی پتنگ بھی تعمیر کی گئی تھی ، اس کے بیچ میں 'جل جیون ہریالی' کا نشان بنایا گیا تھا، ڈسٹرک مجسٹریٹ نے سبھی باشندوں سے 19 جنوری کو انسانی زنحیر میں شامل ہونے کی دعوت دی۔
اس موقع پر ضلع مجسٹریٹ نے خطاب کرتے ہوئے کہا کہ 19 جنوری 2020 کو ہر فرد کو 'جل جیون ہریالی' اسکیم کی حمایت میں تشکیل دی جانے والی انسانی زنجیر میں حصہ لینا چاہئے۔
انہوں نے تمام لوگوں کو 'مکر سنکرانتی' کے موقع پر نیک خواہشات کا اظہار کیا اور کہا کہ ایک نئی شروعات کرنی ہے، بہار کی عوام نے جو قرار داد لیا ہے، چاہے وہ نشہ آور ، آب و ہوا، جہیز اور بال ویوہا کا خاتمہ ہو، ہم آج اس قرار داد کو دہرا رہے ہیں، ہر مکر سنکرانتی پر پتنگ اڑانے کی قدیم روایت رہی ہے اسی لئے انتظامیہ کی جانب سے پتنگ میلہ لگایا گیا ہے۔
انہوں نے 19 جنوری کو بننے والی انسانی زنجیر سے متعلق کہاکہ ساڑھے گیارہ سے بارہ بجے کے درمیان اپنے گھروں سے باہر نکلیں اور اپنی مقررہ جگہ پر ہاتھ سے ہاتھ باندھ کرکھڑے ہوں۔
انہوں نے کہاکہ یہ پروگرام عام لوگوں کے لئے ہے، جل جیون ہریالی اسکیم آنے والی نسلوں کو فائدہ پہنچائے گی۔ منشیات کی عادت، بچوں کی شادی اور جہیز معاشرے کے لئے ایک لعنت ہے اور اس کے خاتمے کے لئے حکومت کی حمایت میں ایک انسانی سلسلہ بنایا جارہا ہے۔
