اس بات کی اطلاع بہار یونٹ کے سکریٹری ستیہ نارائن سنگھ نے دی ہے۔
کنہیا کمار کے بیگو سرائے سے الیکشن لڑنے پر وہاں مقابلہ دلچسپ ہوگا۔ یہاں بی جے پی کی جانب سے گری راج سنگھ،تو وہیں آر جے ڈی سے تنویر حسن امیدوار ہوں گے۔
ایسا خیال کیا جا رہاہے کہ کنہیا کمار کو دیگر پارٹیوں کی جانب سے بھی حمایت ملنے والی ہے۔
غورطلب ہے کہ اس سے قبل یہ امید کی جارہی تھی کہ کنہیا کو آر جے ڈی عظیم اتحاد کا امیدوار بنائے گی،لیکن ایسا نہیں ہوا۔
حالانکہ اب سی پی آئی نے یہ فیصلہ کیا ہے کہ وہ اس سیت پر الیکشن لڑیں گے۔
معلوم ہو کہ بہار کے بیگو سرائے کو بایاں محاذ خاص کر سی پی آئی کا گڑھ مانا جا تا ہے اور اس پارلیمانی سیٹ پر کئی دفعہ پارٹی کے امیدواروں نے جیت حاصل کی ہے۔مگر 90 کی دہائی کے بعد سی پی آئی کمزور ہونے لگی۔ بایا محاذکی جیت اب آر جے ڈی پر منحصر ہو گئی ہے۔آر جے ڈی کی حمایت سے ہی بایاں محاذ کی جیت ممکن ہو پاتی ہے۔
