کنہیا کمار نے مرکزی حکومت کو طعنہ شاہ قرار دیتے ہوئے کہا کہ آج پورا ملک شاہین باغ بن گیا ہے۔
انہوں نے کہا کہ حکومت کو ہر حال میں سی اے اے کو واپس لینا ہوگا، یہ قانون ملک کے مفاد میں ٹھیک نہیں ہے، حکومت کی طعنہ شاہی کے خلاف احتجاج جاری رہے گا، ہمیں بے روزگاری اور کالا قانون سے آزادی چاہیے، سی اے اے این پی آر اور این آر سی سے آزادی چاہیے۔
سی پی آئی رہنما نے کہا کہ جب مودی حکومت لوگوں کو شہری ماننے کو تیار نہیں ہے تو اس حکومت کو حکومت مت مانیئے۔
کنہیا نے لوگوں سے کہا کہ جب بچہ بگڑ جاتا ہےتو ماں اسے ڈانٹتی اور مارتی ہے، ٹھیک اسی طرح یہ حکومت بھی بگڑ گئی ہےاب وقت آگیا ہے کہ ہمیں ایک ساتھ مل کر حکومت کو ہٹانا ہے۔
دہلی کے شاہین باغ کی طرح پٹنہ کے سبزی باغ میں گذشتہ اتوار سے مقامی لوگ سی اے اے کے خلاف احتجاج کررہے ہیں، گذشتہ روز اس احتجاج میں کنہیا کمار کے ساتھ کئی رہنماؤں نے بھی شرکت کی۔
