بہار کے ضلع کیمور میں مشکوک حالت میں ایک نوجوان کی لاش درخت سے لٹکتی ملی ہے۔ اس واقعہ سے آس پاس کے علاقہ میں سنسنی پھیل گئی۔
تاہم اس بات کی تصدیق نہیں ہو سکی کہ نوجوان نے خود کشی کی ہے یا کسی نے قتل کرکے لاش کو درخت پر لٹکا دیا۔
کنبہ کے لوگ بھی پورے معاملہ کو مشکوک بتا رہے ہیں۔ درخت پر لاش لٹکنے کی اطلاع پر پہنچی پولیس نے کاغذی کاروائی کر کے لاش کو بھبھوا صدر ہسپتال پوسٹ مارٹم کے لیے بھیج دیا۔
اطلاع کے مطابق یہ واقعہ ضلع کے چاند علاقہ میں رونما ہوا ہے۔ بتایا جاتا ہے کہ بھبھوا تھانہ علاقہ کے سیوؤں موضع رہائشی وکاس کمار جو چاند علاقہ کے گیہؤواں گاؤں میں اپنے ننیہال میں رہا کرتا تھا۔ اچانک اس کی لاش گیہؤواں موضع کے لوگوں نے درخت سے لٹکتے دیکھا۔ اس کی اطلاع لوگوں نے کنبہ کو دی۔
اس متعلق متوفی کے والد نے بتایا کہ ان کا بیٹا دن بھر صحیح سلامت تھا۔ اچانک کیا بات ہوئی کہ اس کی لاش پیڑ سے لٹکتی پائی گئی۔ انہوں نے موت کی وجہ بتانے سے انکار کرتے ہوئے کہا کہ اس بارے میں کچھ نہیں کہا جا سکتا موت کیسے ہوئی۔
