آر جے ڈی کے رہنما پروفیسر رامبلی چندرونشی نے رام پور بلاک کے گاؤں تراٶں پہنچکر مہلوکین کے افراد خاندان سے ملاقات کی۔
واقعہ میں بنشی چندرونشی ور ان کا بیٹا ہلاک ہوگیا تھا جس کے بعد سیاسی رہنما متوفی کے گھر پہنچ کر افراد خاندان کو پرسہ دے رہے ہیں۔
اس موقع پر ایک پریس کانفرنس کا انعقاد عمل میں آیا جس میں دوہرے قتل معاملہ پر تشویش کا اظہار کیا گیا اور بہار میں بڑھتی مجرمانہ سرگرمیوں پر حکومت کو تنقید کا نشانہ بنایا گیا۔
پریس کانفرنس مں متاثرہ خاندان کو دس لاکھ روپئے ایکس گریشیا، پی ڈی ایس دوکان کا اجازت نامہ، پولیس تحفظ اور مجرمین کی جلد گرفتاری کا مطالبہ کیا گیا۔
اس موقع پر ضلع پریشد کے سابق صدر روہتاس چندر دیو، سینئر رہنما برجو سنگھ پٹیل، ضلعی صدر اکلو رام ، شہر کے صدر اونیش پانڈے ، ڈاکٹر سچیڈانند سنگھ، عظیم الدین انصاری، چندراموہن پال، سدیشور کشواہا، قمرخان اور پشوپتی ناتھ سنگھ موجود تھے۔
