اس غیر معینہ مظاہرے و احتجاج میں بروز اتوار 16 فروری کو جے این یو کی سابق طلباء یونین صدر گیتا کماری اور سکریٹری ستیش چندر یادو اور سابق کنوینر محمد قاسم اور آئیسا کے ریاستی صدر محمد مختار اور متعدد رہنماؤں نے شرکت کی۔
طلبأ یونین کے سابق رہنماؤن نے ہزاروں کی تعداد میں یہاں موجود خواتین اور مرد حضرات کو خطاب کیا۔
دھرنے کی قیادت کر رہے سابق مکھیا یونین صدر منی گاچھی تحصیل عبدالمالک اور اسٹیج پر موجود دیگر مقامی لوگوں نے اس طلبأ رہنماؤں نے گرم جوشی سے استقبال کیا۔
ای ٹی وی بھارت سے گفتگو کرتے ہوئے طلبأ یونین کی سابق صدر گیتا کماری نے کہا کہ حکومت کو پیچھے ہٹنا ہوگا یہ احتجاج جے این یو ،جامعہ اور شاہین باغ سے نکل کر آج پورے ملک میں پھیل چکا ہے، حکومت پیچھے ضرور ہٹے گی کیونکہ اس نے شاہین باغ کے احتجاجیوں سے بات چیت کی پیشکش کی ہے۔
اس موقع پر اسٹیج پر موجود سکریٹری طلباء یونین جے این یو ستیش چندر یادو نے کہا کہ حکومت ملک کو تقسیم کرنے کی سیاست کر رہی ہے اسی وجہ سے ملک گیر احتجاج کے مد نظر حکومت کو چاہیے کہ وہ اس قانون کو واپس لے۔
