بہار اسمبلی انتخابات کے ووٹوں کی گنتی صبح آٹھ بجے سے جاری ہے۔ شروعاتی رجحان میں عطیم اتحاد کو این ٹی اے پر سبقت حاصل تھی لیکن اب این ڈی اے کو مکمل اکثریت والی حکومت ملنے کا امکان ہے۔
جے ڈی یو آفس میں کارکنان جشن منا رہے ہیں۔ ڈھول کے ساتھ پٹاخے بھی پھوڑے جا رہے ہیں۔
جے ڈی یو رہنما سمن کمار ملک نے کہا کہ 'نتیش کمار نے جس طرح بہار کو اندھیروں سے باہر لایا ہے، ایسی صورتحال میں انہیں اکثریت حاصل ہونی ہی چاہئے۔ انہوں نے سڑکیں اور بجلی پر بہت اچھا کام کیا ہے۔
انہوں نے کہا کہ 'آر جے ڈی کے اقتدار میں جنگل راج تھا۔ اس وقت بہار میں جرائم بہت زیادہ ہوتے تھے۔ نتیش حکومت نے جرائم پر قابو پا لیا ہے۔'
انہوں نے دعوی کیا کہ نتیش کمار کی سربراہی میں این ڈی اے کی حکومت تشکیل دی جائے گی۔
واضح رہے کہ آج صبح سے ہی ووٹوں کی گنتی جاری ہے۔ ووٹوں کی گنتی کے لئے 55 پولنگ اسٹیشن قائم کئے گئے ہیں، جہاں سخت سیکیورٹی کے درمیان ووٹوں کی گنتی کی جارہی ہے۔
