ریاست بہار کے ضلع ارریہ میں ایک تربیتی کیمپ منعقد کیا گیا جس میں اسمبلی انتخابات کو لے کر غور و خوض کیا گیا اور ضلع میں پارٹی کی مضبوطی پر تفصیلی گفتگو کی گئی۔
تربیتی کیمپ کا افتتاح جے ڈی یو کے ریاستی ترجمان نکھل منڈل، ضلع انچارج اویناس کمار، سابق وزیر منظر عالم ضلع پریشد چیئرمین آفتاب عظیم عرف پپو عظیم نے مشترکہ طور پر شمع روشن کر کیا۔
افتتاحی تقریب سے خطاب کرتے ہوئے ضلع انچارج اویناس کمار نے کہا کہ نتیش کمار نے بہار کو جس ترقی کی اونچائی پر لے گئے ہیں وہ تاریخ کا ایک حصہ ہے۔ نتیش کمار نے کبھی بہار کی ترقی سے سمجھوتہ نہیں کیا۔ آج بہار میں سڑکوں کا جال بچھا ہوا ہے، نل جل منصوبہ کے تحت صدور علاقوں میں پانی دیا جا رہا ہے، سات عزائم منصوبہ کے تحت غریبوں کو فائدہ پہنچایا جا رہا ہے۔
ضلع پریشد کے چیئرمین آفتاب عظیم عرف پپو عظیم نے کہا کہ نتیش کمار کے کاموں کو جے ڈی یو کا ایک ایک کارکن عوام کے درمیان جا کر بتائے اور لوگوں کو بیدار کرے کہ دوسروں کے جھانسے میں نہ آئیں۔
ریاستی ترجمان نکھل منڈل نے کہا کہ اس بار کا اسمبلی انتخابات نتیش کمار کے کام کی بنیاد پر لڑا جائے گا۔ بہار میں جتنے کام ہوئے ہیں وہ جے ڈی یو حکومت اور سابقہ جنگل راج حکومت سے موازنہ کرکے عوام دیکھ لیں۔ کارکنان کو اس بات کی بھی تربیت دی جا رہی ہے کہ ہمیں مخالف پارٹی کے مسئلے کے بجائے اپنے کام کو آگے رکھیں۔ اس موقع پر ضلع پریشد کی سابق چیئرمین شگفتہ عظیم، سابق وزیر منظر عالم، ضلع صدر آشیش پٹیل، اسمبلی حلقہ کے انچارج پروین کمار منا، رضی احمد وغیرہ نے بھی خطاب کیا۔
