آپ کو بتا دیں کہ آج سے ٹھیک تین مہینہ پہلے ای ٹی وی بھارت نے ہی اس بنیادی ضرورت کی طرف رکن اسمبلی ماسٹر مجاہد کو توجہ دلائی تھی
آج افتتاح کے موقع پر منعقدہ پروگرام میں مدرسہ کے استاد خالد قیصر نے کلاس کے لئے ایک کمرا بلڈنگ کا مطالبہ کیا۔ جس پر مجاہد عالم نے اعتماد دلایا کہ جلدہی یہ مطالبہ پورا ہوگا۔
رکن اسمبلی نے کئی سڑکوں اور پل پلیوں کو آئندہ انتخاب سے قبل بنانے کا بھی اعتماد دلایا.
سی اے اے اور این پی آر کو لیکر انہوں نے کہا کہ اس سلسلے میں بہار کے وزیراعلیٰ نتیش کمار سے ہماری بات چیت مسلسل جاری ہے.
رکن اسمبلی نے کہا کہ این پی آر میں پوچھے جانے والے مزید 6 سوالات کے خلاف ہمارا جدوجہد جاری ہے. ہماری پوری کوشش ہے کہ حکومت این پی آر کا کام شروع ہونے سے پہلے ان سوالات کو لسٹ سے پوری طرح ہٹاے. جس کے لئے ہم لوگ حکومت پر دباؤ بناے ہوے ہیں.
وارس پٹھان کے متنازعہ بیان پر رکن اسمبلی ماسٹر مجاہد عالم نے کہا کہ پٹھان ہوں یا پھر گریراج، انوراگ ٹھاکر ہوں یا پھر پرویش ورمہ ان سبھی لوگوں کے ۔متنازعہ بیانات کی مخالفت ہونی چاہیے جو ملک میں نفرت پھیلانے اور آپسی بھائی چارے کو ختم کرنے کا کام کر رہے ہیں
