شیخ پورہ: رکن اسمبلی، مزدوروں کے مطالبے سے برہم

کورنٹائن مرکز کا دورہ کرنے نکلے رکن اسممبلی سے جب مزدوروں نے روزگار کا مطالبہ کیا تو وہ ناراض ہوگئے اور انہوں نے مدوروں سے کہا کہ' آپ کے والد نے آپ کو پیدا کیا ہے، وہ ہی نوکریاں دیں گے۔'

ریاست بہار کے شیخ پورہ ضلع کے جے ڈی یو رکن اسمبلی رندھیر کمار سونی کا ایک ویڈیو تیزی سے وائرل ہورہا ہے۔ اس ویڈیو میں وہ کچھ مزدوروں کو دھمکی دیتے ہوئے نظر آرہے ہیں۔ تب سے مسلسل رکن اسمبلی اور پارٹی کو نشانہ بنایا جارہا ہے۔

دراصل کورنٹائن مرکز کا دورہ کرنے نکلے رکن اسممبلی سے جب مزدوروں نے روزگار کا مطالبہ کیا تو وہ بھڑک اٹھے اور انہوں نے مزدوروں سے کہا کہ' آپ کے والد نے آپ کو پیدا کیا ہے، وہ ہی نوکریاں دیں گے۔'

اس پر جب مزدوروں میں سے ایک نے مطالبہ کیا کہ 'آپ کی حکومت مرکز اور ریاست دونوں میں ہے۔ ایسی صورتحال میں روزگار دینا آپ کی ذمہ داری ہے۔'

تب رکن اسمبلی نے کہا کہ 'تم بڑے رہنما بن رہے ہو، یہ لڑکا لیڈر ہے کیا ؟'

اطلاعات کے مطابق 'وائرل ویڈیو 21 مئی کا بتایا جا رہا ہے۔ اس دن رکن اسمبلی، جے ڈی یو ضلع صدر انجنی کمار اور حامیوں کے ساتھ اریاری بلاک کے چاندی، کسار، چوربر سمیت متعدد گاؤں کے کورنٹائن مراکز گئے تھے۔ اسی دوران ایک تارکین وطن مزدور نے ان سے روزگار کا مطالبہ کیا تھا۔'