ریاسات بہار کے ضلع ارریہ میں 'جن ادھیکار پارٹی' کے قومی ترجمان شعیب جامعی نے خصوصی گفتگو میں کہا کہ پچھلے تیس برسوں میں سیمانچل کو نام نہاد پارٹیز نے سیاسی تجربہ گاہ بنایا ہے، انہیں یہاں کے عوام کا صرف ووٹ چاہیے۔
انہوں نے الزام عائد کیا کہ بد سے بدتر زندگی گزارنے والی عوام کا پارٹیز نے صرف ووٹ بینک کے طور پر استعمال کیا ہے، جس کی وجہ سے یہ علاقہ آج بھی پسماندگی کا شکار ہے۔
انہوں نے کہا کہ لوگ اب بھی بیدار نہیں ہوئے اور ان کے خوشی و غم میں کھڑے رہنے والے صحیح رہنما کا انتخاب نہیں کیا تو آنے والے پچاس سالوں میں بھی اس علاقے کی تصویر نہیں بدلے گی۔
شعیب جامعی نے مزید کہا کہ پارٹی کے قومی صدر پپو یادو اپنے کام کی وجہ سے عوام میں مقبول ہیں، کوئی قدرتی آفات ہو یا عوام سے جڑے مسائل ہوں، پپو یادو سرفہرست ہر محاذ کھڑے ملیں گے۔
انہوں نے کہا کہ 'میں دعوے کے ساتھ کہہ سکتا ہوں بھارت کی تاریخ میں دور حاضر میں شاید ہی ایسا کوئی رہنما ہو جو بغیر کسی مفاد اور بلا تفریق تمام مذہب و ملت اور ذات برادری سے اوپر اٹھ کر لوگوں کے لیے کام کرتا ہو۔
انہوں نے کہا کہ بہار کا سیلاب ہو یا پھر لاک ڈاؤن میں بہار کے مزدور بھائیوں کے لیے آنے جانے کا مسئلہ، این آر سی بل کی مخالفت ہو یا کسان مخالف بل، پپو یادو جی نے ہر محاذ پر آواز بلند کی ہے۔
شعیب جامعی نے کہا کہ ہماری پارٹی اگر اقتدار میں آئی تو سب سے پہلے سیمانچل کو خصوصی پیکیج کے لیے مرکزی حکومت سے لڑے گی۔
