دربھنگہ: ریاست بہار کے دربھنگہ ضلع کے مرزاپور میں انصاف منچ کی ضلع کمیٹی کی جانب سے ایک اہم میٹنگ کا انعقاد کیا گیا جس میں تنظیم میں چند تبدیلیاں کی گئیں۔ اجلاس کی صدارت ضلع سیکرٹری مقصود عالم پپو خان نے کی۔ اس موقع پر اجلاس سے خطاب کرتے ہوئے انصاف منچ کے ریاستی نائب صدر نیاز احمد نے کہا کہ بی جے پی کا ہدف بنیادی طور پر ملک کے مسلمان، دلت اور خواتین ہیں۔ بی جے پی مسلمانوں اور دلتوں کو الگ الگ طریقے سے پریشان کرنے کی سازش کرتی ہے۔ بی جے پی کے رہنما اب ڈاکٹر امبیڈکر پر بھی حملے کر رہے ہیں۔ بہار میں مختلف مقامات پر ان کے مجسموں کی توڑ پھوڑ کی جا رہی ہے۔ امبیڈکر کے مجسموں پر حملہ کرکے وہ ملک کے سیکولر ڈھانچے پر حملہ کررہے ہیں۔
یہ بھی پڑھیں:Tejashwi Yadav Slams BJP بی جے پی آر ایس ایس کے ایجنڈے کو نافذ کرنا چاہتی ہے، تیجسوی یادو
انہوں نے کہا کہ ان طاقتوں کے خلاف مسلمانوں، دلتوں اور خواتین کا جامع اتحاد آج وقت کی ضرورت ہے۔ آج مسلم کمیونٹی کو ملک کا نیا دلت بنایا جا رہا ہے۔ انصاف منچ 25 جون کو گیٹ پبلک لائبریری پٹنہ میں تیسرا ریاستی کنونشن منعقد کرنے جا رہا ہے۔ انصاف منچ ملک میں جنون اور تشدد کی سیاست اور نفرت پھیلانے کی اعلیٰ حکام کی کوششوں کے خلاف کھڑا ہے۔ میٹنگ میں رنجن پرساد سنگھ، رانی سنگھ، شوبھا دیوی، زینت پروین، محمد صغیر، منوج پاسوان، محمد رضوان آزاد، گولڈن خان، دھنراج شاہ، افشانہ روشن، قربان نداف، محمد جمشید، شانیچاری دیوی اور لکشمن پاسوان شامل کے علاوہ راہل آنند، محمد غلام انصاری، محمد واحد، اکبر بادشاہ وغیرہ موجود تھے۔
