ریاست بہار کے سیوان میں ایک انکم ٹیکس انسپکٹر نے رانچی سے تعلق رکھنے والے ایک بی ٹیک کے طالب علم کو پیٹ پیٹ کر ہلاک کر دیا ہے۔
ذرائع کے مطابق رانچی سے تعلق رکھنے والا یہ بی ٹیک کا طالب علم اپنے دوست سے ملاقات کے لیے سیوان آیا تھا۔
یہ حادثہ مہادیوا او پی پولیس اسٹیشن کا ہے اور پولیس نے معاملے کی تفتیش بھی شروع کردی ہے، بتایا جارہا کہ حادثے کے بعد سے ہی انکم ٹیکس انسپکٹر فرار ہے۔
دراصل ہلاک شدہ ہرشیت سنگھ رانچی سے تعلق رکھتا ہے اور وہ بھوپال میں بی ٹیک کا طالب علم تھا، ہرشیت اپنے دوست پریتم سے ملنے سیوان آیا تھا جہاں دوست کی آمد کی خوشی میں کمرے میں پارٹی کا اہتمام کیا گیا تھا۔
رات پارٹی کے دوران اس کے دوست کا روم میٹ انکم ٹیکس انسپکٹر پرسون پنکج سے کسی بات پر جھگڑا ہوگیا جس کے بعد انکم ٹیکس انسپکٹر نے اپنے کچھ دوستوں کو بلایا اور اس کو اتنا زیادہ زدوکوب کیا کہ اسکی موت ہوگئی۔
حادثے کی اطلاع ملتے ہی سییوان ایس ڈی پی او جتیندر پانڈے، ایس آئی ٹی ٹیم، نگر پولیس اسٹیشن، مفصل تھانے اور مہادیوا او پی پولیس اسٹیشن موقع پر پہنچ گئے۔
