ریاست بہار کے ضلع دربھنگہ کے مدرسہ یتیم خانہ میں 28 اپریل کو آرجے ڈی کے کارکنوں کی جانب سے افطار پارٹی کا اہتمام کیا گیا، اس افطار پارٹی میں آر جے ڈی کے سینیئر رہنما اور سابق وزیر عبدالباری صدیقی، سابق رکن اسمبلی بھولا یادو، رکن اسمبلی شاہین اور حال ہی میں آر جے ڈی سے ایم ایل سی کے انتخاب میں قسمت آزمائی کرنے والے اودے شنکر یادو، معراج عالم سمیت پارٹی کارکنان نے شرکت کی۔ Iftar Party Organized in Darbhanga
واضح رہے کہ 28 اپریل کو ہی ریاستی دارالحکومت پٹنہ میں جے ڈی یو کی جانب سے بھی دعوت افطار کا اہتمام کیا گیا تھا، جس میں عبدالباری صدیقی بھی مدعو تھے، لیکن انہوں نے دربھنگہ میں منعقد دعوت افطار پارٹی میں شرکت کو ترجیح دی۔ ای ٹی وی بھارت سے بات چیت میں انہوں نے کہا کہ ہمارا ملک گنگا جمنی تہذیب کے علمبردار کے طور پر جانا جاتا ہے، یہاں کئی مذاہب کے لوگ ایک ساتھ رہتے اور بستے ہیں، ایک دوسرے کے تہوار کا احترام کرتے ہیں، اس طرح رمضان المبارک کا یہ پاک مہینہ ہے اس مہینے میں دعوت افطار کا اہتمام کیا جاتا رہا ہے جو آج بھی کیا گیا ہے، جس میں کوئی سیاسی بات نہیں تھی۔
- مزید پڑھیں:غریب خواتین کے لیے افطار پارٹی
انہوں نے کہا کہ تمام لوگوں نے یکجہتی کی مثال پیش کرتے ہوئے افطار پارٹی میں شریک ہوئے۔
