غریب خواتین کے لیے افطار پارٹی

رمضان المبارک میں یوں تو ہر نیکی کا اجر وثواب کئی گنا زیادہ عطا کیا جاتا ہے تاہم کسی غریب روزہ دار کو افطار کروانا انتہائی فضیلت اور اجر وثواب کا باعث ہوتا ہے۔

عام طور پر افطار پارٹی رئیسوں کے درمیان منعقد کی جاتی ہے، لیکن گیا کے اقبال نگر میں سلم علاقے میں رہنے والی خواتین کے لیے افطار پارٹی کا اہتمام کیا گیا۔

اس افطار پارٹی میں موجود تمام خواتین کا تعلق معاشرے کے انتہائی پسماندہ طبقے سے ہے۔ تعمیر فاؤنڈیشن گزشتہ کئی برسوں سے ان خواتین کے لیے افطار پارٹی کا اہتمام کررہا ہے۔

پارٹی میں آکر خواتین کو نہ صرف افطار کرنے بلکہ کچھ سیکھنے کا موقع بھی ملتا ہے۔

اس پارٹی میں گیا کے اقبال نگر علاقے کی سینکڑوں خواتین شرکت کرتی ہیں۔ اس پارٹی کی وجہ سے فاؤنڈیشن کے ارکان کو غریب خواتین سے کافی دعائیں بھی ملتی ہیں۔

قابل ذکر ہے کہ تعمیر فاؤنڈیشن کے بینر تلے علاقے کے بچوں کو مفت میں دینی اور دنیاوی تعلیم بھی دی جاتی ہے۔