اساتذہ کو انتخابی کاموں سے دور رکھنے کی عرضی خارج

ریاست بہار میں ہائی کورٹ نے پارلیمانی انتخابات میں یونیورسٹیوں کے اساتذہ کو انتخابی کاموں سے الگ رکھے جانے سے متعلق مفاد عامہ کی عرضی کو مسترد کر دیا ہے۔

پٹنہ ہائی کورٹ نے ایک مفاد عامہ کی عرضی پر سماعت کرتے ہوئے پارلیمانی انتخاب میں یونیورسٹیوں کے اساتذہ کو انتخابی کاموں سے الگ رکھے جانے کے متعلق دائر کی گئی مفاد عامہ کی عرضی کو خارج کر دیا ہے۔

سنجے کمار داس کی مفاد عامہ کی عرضی پر جسٹس جیوتی شرن کی بینچ نے سماعت کی۔ واضح رہے کہ یہ عرضی دربھنگہ کے ایل این ایم یو کے طلبہ نے دائر کی تھی۔ اس میں یہ کہا گیا تھا کہ اساتذہ کو انتخابی کاموں میں لگائی جانے سے تدریسی کام متاثر ہوتا ہے۔

ریاستی حکومت اور الیکشن کمیشن نے عدالت کو بتایا کہ جس دن ووٹنگ ہوتی ہیں اس روز کالجوں میں چھٹیوں کا اعلان کر دیا جاتا ہے ایسے میں اساتذہ کے انتخابی کاموں میں حصہ لینے سے درس و تدریس اور امتحانات متاثر نہیں ہوتے ہے۔

عدالت نے تمام معاملوں پر غور کرنے کے بعد اس مفاد عامہ کی عرضی کو خارج کر دیا ہے۔