پٹنہ: پٹنہ ہائی کورٹ میں مودی کنیت کیس میں کانگریس رہنما راہل گاندھی کی درخواست پر سماعت 12 جنوری 2024 تک ملتوی کر دی گئی ہے۔ معاملے کی سماعت کرتے ہوئے جسٹس سندیپ کمار نے واضح کیا کہ نچلی عدالت کے حکم پر روک اگلے حکم تک جاری رہے گی۔ پچھلی سماعت میں عدالت نے نچلی عدالت کے حکم پر 15 مئی 2023 تک روک لگا کر راہل گاندھی کو راحت دی تھی۔ وہیں راہل گاندھی کو جھارکھنڈ ہائی کورٹ سے بھی بڑی راحت ملی ہے۔ ہائی کورٹ نے کارروائی پر اگلی سماعت تک روک لگا دی ہے۔ مودی کنیت تنازعہ کیس میں ایم پی-ایم ایل اے عدالت نے انہیں دوبارہ سمن جاری کیا اور انہیں 4 جولائی کو پیش ہونے کی ہدایت دی۔ اسے راہل گاندھی نے ہائی کورٹ میں چیلنج کیا تھا۔ کیس کی اگلی سماعت 16 اگست کو ہوگی۔
قبل ازیں پٹنہ کی ایم پی-ایم ایل اے عدالت نے گزشتہ سماعت میں انہیں ہر صورت میں جسمانی طور پر حاضر ہونے کا حکم دیا تھا، لیکن ایم پی-ایم ایل اے عدالت کے حکم کے خلاف راہل گاندھی نے پٹنہ ہائی کورٹ سے رجوع کیا تھا۔ اس معاملے کی سماعت کرتے ہوئے پٹنہ ہائی کورٹ کے جسٹس سندیپ کمار کی سنگل بنچ نے راہل گاندھی کو بڑی راحت دی تھی۔ عدالت نے انہیں کیس میں جسمانی طور پر پیش ہونے کے حکم سے استثنیٰ دیا تھا۔ راہل گاندھی کی جانب سے ان کے وکیل انشول ہی اپنے دلائل پیش کریں گے۔
آپ کو بتاتے چلیں کہ بہار کے سابق نائب وزیر اعلی اور بی جے پی رہنما سشیل مودی نے 2019 میں راہل گاندھی کے خلاف ہتک عزت کا یہ مقدمہ دائر کیا تھا۔ درخواست میں کہا گیا ہے کہ راہل گاندھی نے مودی کو چور کہہ کر پوری مودی برادری کی توہین کی ہے۔ مودی کنیت سے جڑے ایک اور معاملے میں راہل گاندھی کو گجرات کی سورت عدالت پہلے ہی دو سال کی سزا سنا چکی ہے، جس کے بعد ان کی پارلیمنٹ کی رکنیت بھی ختم ہو گئی ہے۔ آپ کو بتاتے چلیں کہ مودی کنیت سے متعلق قابل اعتراض ریمارکس کے بعد راہل گاندھی کی مشکلات میں مسلسل اضافہ ہو رہا ہے۔ اس قابل اعتراض تبصرہ کے خلاف سورت ہائی کورٹ میں بھی مقدمہ چل رہا ہے۔ اب دیکھنا یہ ہے کہ پٹنہ ہائی کورٹ راہل گاندھی کی عرضی پر کیا فیصلہ دیتا ہے۔
مزید پڑھیں:۔ Modi Surname Case پٹنہ ہائی کورٹ سے راہل گاندھی کو بڑی راحت، مودی کنیت معاملے میں حاضری سے استثنیٰ
