'صحت سے متعلق کوئی بہانہ کارگر نہیں'

ضلع انتظامیہ نے ضلع میں دو روزہ میڈیکل کیمپ لگاکر تمام پولنگ ایجنٹز کی صحت سے متعلق جانچ کرنے کی ہدایات دی ہیں۔

ریاست بہار کے ضلع کیمور میں پولنگ کے لئے تعینات کئے گئے پولنگ ایجنٹوں نے صحت سے متعلق انتظامیہ میں چھٹی کے لئے عرضی داخل کی تھی۔

اس کے پیش نظر ضلع انتظامیہ کی ہدایت پر محکمہ صحت نے تمام پولنگ ایجنٹز کی صحت سے متعلق جانچ کی اور سول سرجن کی ہدایت پر جانچ کیمپ کا اہتمام بھی کیا ۔

واضح رہے کہ اسمبلی انتخابات میں سرکاری ملازمین کی پولنگ بوتھ پر ڈیوٹی لگائی گئی تھی جس کے بعد انہوں نے اپنی بیماری سے متعلق ضلع انتظامیہ میں عرضی داخل کرتے ہوئے چھٹی کا مطالبہ کیا۔

اسی کے پیش نظر ضلع انتظامیہ نے ضلع میں دو روزہ میڈیکل کیمپ لگاکر تمام پولنگ ایجنٹوں کے صحت جانچ کرنے کی ہدایات دی ہے۔

اس کے بعد آج بینک کے نو ملازمین، محکمہ تعلیم کے 58 اور دوسرے محکموں کے 28 اہلکاروں کی میڈیکل بورڈ کے ڈاکٹرز نے طبی جانچ کی۔