دربھگنہ: ریاست بہار کے ضلع دربھنگہ کے مختلف مقامات پر گرینڈ الائنس (عظیم اتحاد) کی ریاست گیر اپیل پر بی جے پی کی قیادت والی مرکزی حکومت کے خلاف جم کر احتجاج کیا اور نعرہ بازی بھی کی۔ سابق مرکزی وزیر مملکت برائے تعلیم حکومت ہند محمد علی اشرف فاطمی نے اجتماعی جلسے کو خطاب کرتے ہوئے کہا کہ مرکزی حکومت عوام دشمن ہے۔ اسے آنے والے 2024 میں اقتدار سے ہٹانا ہے اور ایک سیکولر ترقی پسند حکومت قائم کرنی ہے۔ وہیں صدرِ بلاک ہیڈکوارٹر پر دھرنا مظاہرے سے خطاب کرتے ہوئے جے ڈی یو لیڈر ڈاکٹر امام الحق "امام" نے کہا کہ عظیم اتحاد نے ملک کو بی جے پی سے بچانے کا فیصلہ کیا ہے۔
انہوں نے کہا کہ مرکزی حکومت نے جس طرح مہنگائی میں اضافہ کیا ہے، بے روزگاری اپنے عروج پر ہے، طلبہ، نوجوان خواتین، کسان اور عام لوگ پریشان ہیں۔ گیس سلنڈر، پٹرول ڈیزل سے لے کر ہر چیز کی قیمتوں میں لگاتار اضافہ ہو رہا ہے، لیکن بی جے پی حکومت ہندو مسلم ٹیکس کر کے ہمارے اتحاد کو توڑ رہی ہے اور ہندو مسلم بھائیوں کو لڑانے کا کام کر رہی ہے۔
انہوں نے کہا کہ اس لیے آئندہ لوک سبھا انتخابات میں ہم سب عظیم اتحاد کے لوگ متحد ہو کر اس بی جے پی حکومت کو گرانے کے لیے کام کریں گے۔ جے ڈی یو ایم ایل اے ونے چودھری نے بینی پور میں میٹنگ سے خطاب کیا۔گرینڈ الائنس کے نمائندے نے اس موقع پر مرکزی حکومت کے نام ایک یادگاری خط بلاک ڈیولپمنٹ آفیسر، اور دوسرے افسران کو سونپا۔
یہ بھی پڑھیں:Bihar State Haj Committe بہار سے اب تک بتیس سو عازمین مکہ اور مدینہ منورہ پہنچے
