گری راج کی مسلمانوں کو کھلے عام دھمکی

اشتعال انگیز بیانات کے سبب سرخیوں میں رہنے والے ریاست بہار کے بیگوسرائے پارلیمانی حلقے سے بی جے پی کے امیدوار اور مرکزی وزیر گری راج سنگھ نے ' پارٹی کے صدر امت شاہ کی موجودگی میں مسلمانوں کو دھمکی دی کہ اگر قبر کے لیے تین ہاتھ جگہ چاہیے تو اس ملک میں وندے ماترم کہنا ہوگا۔'

گری راج کے مطابق ' اگر تم ایسا نہیں کر پاؤگے تو ملک تمہیں کبھی معاف نہیں کرے گا۔'

انہوں نے الزام عائد کیا کہ ' کچھ لوگ بہار میں فرقہ آگ پھیلانا چاہ رہے ہیں لیکن بی جے پی جب تک ہے، بہار میں نہ ایسا ہوگا اور نہ وہ بیگوسرائے کی سرزمین پر ایسا ہونے دیں گے۔'